Dhjetë të huaj janë arrestuar në Emiratet e Bashkuara Arabe, pasi akuzohen për postimin në rrjetet sociale të videove të sulmeve me raketa dhe dronë në vend. Kështu raporton Agjencia zyrtare të Lajmeve të Emirateve (WAM).

Sipas agjencisë së lajmeve, ata akuzohen për ndarjen e videove që përmbajnë imazhe reale të sistemeve të mbrojtjes ajrore që përgjojnë sulme, si dhe përmbajtje të gjeneruar duke përdorur inteligjencën artificiale dhe që përshkruan sulme të dyshuara ndaj monumenteve të njohura. Raporti nuk përmend kombësitë e tyre.

Raporti pohon se ndarja e një materiali të tillë “qoftë i vërtetë apo i rremë, mund të ndikojë në sigurinë publike”.

Prokurori i Përgjithshëm i Emirateve të Bashkuara Arabe, Hamad Al Shamsi, tha se këto krime dënohen me minimum një vit burg dhe një gjobë prej të paktën 100,000 dirhemësh (rreth 23,000 eurosh).