Nga: SHAIP MUJA, deputeti i PDK
Ditën e martë ka takim Këshilli Drejtues i PDK-së, më 30 gusht të këtij muaji.
Këtu besoj partia ime, do t’i jap opsionet e qarta si të trajtohet demarkacioni, si të orientohet si në planin kombëtarë dhe atë ndërkombëtar. Këtu ose do shpjegohen pikëpyetjet që nuk i është përgjigjur askush deri më sot, ose demarkacioni i komisionit shtetëror kështu siç është bërë, nuk kalon.
Këtë demarkacion do ta korrigjojnë në rrugë institucionale PDK, dhe LDK, duke u përkrahur kjo edhe nga AAK dhe NISMA. Ne s’kemi kohë të falim, as të marrim territore, as s’kemi kohë të terrorizojmë publikun.

Sot, të gjithë janë në krizë politike si pozita edhe opozita. Pozita ka frikën reale, se në këtë formë siç është ofruar demarkacioni nuk kalon, ndërsa VV është e bindur se s’ka përkrahje në rrugë e në demonstrim, e ta rrëzoj këtë çështje dhe po luan me karta të luftës speciale, e cila më nuk pi ujë.
Faturën politike do ta fitojnë partitë konstruktive, me anëtarët e saj parimor, që e shohin atdheun mbi veten e vet. Përfundimisht, demarkacionin do ta korigjojnë ata që ulen në tavolinën institucionale- në Parlament, me votë demokratike e të pa imponuar, e dhunuar publikisht nga institucionet kryeneçe, e të barrikaduara në konkluzat e veta.

Parë në planin politik, juridik e psikologjik, stresi individual i Isa Mustafës nuk më intereson, sa më intereson stabiliteti i vendit tim, për çka janë angazhuar e sakrifikuar me burgje, me gjak e vuajtje shumë qytetarë…, po ashtu nuk më intereson as etja për pushtet e VV, që thotë se nuk do zgjedhim asnjë metodë konvencionale për ta rrëzuar demarkacionin, e që mediat po e japin sikur këta janë kundërshtuesit përmbajtjesorë, e po harrojnë se këta po vijnë si kofini pas të vjelave, sepse deputetët e pozitës po e stopojnë dhe ne do ta stopojmë.
Publiku duhet ta dijë këtëm sepse për VV sa ka forcë, dhjetë herë deri më tash kdo të kalonte.

Të nderuar, ratifikimi i kufirit nuk duhet të kalojë për këto arsye:
1. Metodologjia e punës së komisionit ka shumë pikëpyetje, procedura e bisedimeve, personat që kanë punuar në të, mostransparenca, etj.
2. Hartografia ekziston origjinale, e përshkruar çka janë Kufijtë Kadastral, Kufijtë Komunal dhe Kufiri i Krahinës Autonome të Kosovës. Në agjendën e përshkrimit të hartave dhe kufirit kadastral, qytetarëve po mundohen t’ua imponojnë si kufi të krahinës autonome. Sikur të ishte ne, do të futeshim në Mal të Zi – 20km thellësi dhe 40 km gjatësi, e këto shpjegime si hanë deputetët e Kosovës.
3. Unë i përkas gjeneratës që kundërshtonim suprimimin e autonomisë dhe kushtetutës së vitit 1974, PRO ishte asaj kohe pothuajse tërë ”elita“, nëse mundet të thuhet ashtu. Por në realitet ishte ndryshe dhe në atë“elitë” ishte edhe Isa Mustafa, që sot po mbron të njëjtën teori për demarkacionin se asgjë nuk humbim.
4. Këtë çështje e kemi kundërshtuar nem Deputetët e Pozitës dhe ne s’do ta lëmë të kalojë. Këtë nuk është duke e penguar VV-ja. Ajo po do një instrument në dorë për qëllimet e veta që dihen dhe janë legjitime, por opinioni publik duhet ta dije se ne, Deputetët e Pozitës ka një vit që kundërshtojmë me fakte dhe japim propozime si të dilet nga kjo situatë, ne do t’ia arrijmë ta mbrojmë betimin tonë, moralin tonë dhe do të dimë t’i japim drejtim këtij problemi.
5. Kufiri është gabim në dy pika kyçe, ku kanë lejuar futjen e Malit të Zi në territorin tonë dhe ne, në dy pika jemi futur në territorin e Malit të Zi që ai territor “sheh” me shpinë nga ne dhe nuk është në harta si territor i yni, rrjedhimisht po themi të huajën se duam, tonën se japim.
6. Një lajm i mirë është se edhe AAK, është dakorduar me konkluzionet e ekspertëve dhe opinionit publik që kjo pjesë e bërë gabim të korrigjohet, komisioni shtetëror se ka bërë komplet gabim vërtetësinë e kufirit, por ka bërë gabim metodologjinë, duke bërë delimitim të dytë dhe demarkim siç duket direkt, këto do t’i korrigjojmë ne në Komisione, në Parlament.
Më 1 shtator nuk duhet të vijë në seancë plenare, por do t’i nënshtrohet edhe njëherë komisioneve në parlament siç është ai i Planifikimit Hapësinorë, aty me urtësi, me qetësi, me fakte, e me shkencë hartografike, e juridike, e faktike do të analizojmë çdo centimetër të vijës kufitare, do të analizojmë të gjitha shkresat e procedurave të bisedimeve e vendimeve.

Kemi kohë sa të duash.
E ftoj VV-në të jap kontributin e saj së bashku me ne, dhe mos ta zgjedhë rrugën për zgjidhjen e problemeve madhore kombëtare. Falënderoj konstruktivitetin e treguar të AAK-së dhe NISMA-s, që pranuan të diskutojnë, kontribuojnë me fakte e shkencë. Këtu duhet të jetë edhe komisioni shtetëror, i cili nuk guxon të përdorë arrogancën që përdori me Qeverinë, duke u munduar ta keqpërdorë konferencën e 3 Gushtit 2016, që shpjegonin epilogun e konferencës pa filluar, sepse nëse këta kanë bërë gabime do vlerësohen, nëse jo do u miratojmë propozimet: kështu arrihet konsensusi nacional e jo duke u barrikaduar siç po bënë Qeveria e Kosovës.

Unë personalisht nga shtatori i vitit 2015-të, kam dërguar e-maila, në cilësinë e anëtarit të komisionit për Planifikim Hapësinor, që të shohim materialin në komision dhe asnjë anëtarë, i asnjë partie s’ka deklaruar që është dakord, përveç anëtarit të AAK-së, Lahi Ibrahimaj, sepse kishte edhe qëndrimin e partisë të dakorduar që ta diskutojmë këtë problem konform obligimeve kushtetuese dhe obligative që kemi, sipas rezolutës së bërë në Kuvend më 25 qershor 2015.

Por në anën tjetër, jam i befasuar se si asnjë parti nuk ka kthyer asnjë përgjigje në kërkesat e mia. Kam kërkuar të respektojmë ligjshmërinë, kam bërë vërejtje se sa ta zgjasim, situata do të dalë nga kontrolli dhe do të hyjmë në një rreth vicioz, i cili të gjithëve do na nxjerrë të turpëruar e dëmtuar. Për çudi askush, as nga qeveria, as nga grupet parlamentare s’kanë bërë as më të voglin mundim të bëjmë përpjekje për të diskutuar e analizuar problemet që na obligojnë.

I vetmi reagim i pashpresë, ka qenë letra të cilën pas shumë presioneve arritëm ta miratojmë në Komision, për të kërkuar ndihmë nga Kryesia e Kuvendit që të ndërhyjë tek Qeveria për të na sjellë në komision Demarkacionin, një përgjigje që ka qenë e formuluar në gjuhën juridike PERFUNDIM, e që unë e kam kuptuar që nëse qeverisë i intereson, ajo mund të sjellë materialin në Kuvend.

Kam kontaktuar disa herë Kryetarin e Kuvendit, Kadri Veseli në cilësinë e Deputetit, që si Kryeparlamentarë ta merrë situatën ne dorë, sepse në fund do përplaset tek ne për ratifikim, por siç duket edhe nga ai janë mbajtur gjërat larg realitetit, siç e konfirmoi vetë në konferencën e 3 Gushtit.
Ai dhe shumë pjesëmarrës duke reaguar kundër Qeverisë “se pse na latë të bëjmë rezolute më 25 qershor të 2015-ës, kur dy komisionet e kishin nënshkruar më 10 qershor mbylljen e marrëveshjes , “Po ashtu edhe shkeljet e radhës deri më tani sa janë ligjore, aq janë edhe fëmijërore e qesharake. Përkundër kësaj ndaj mendimin se çdo gjë që është bërë deri më tani nuk prodhon efektin juridik, këtë efekt do ta prodhoj në ditën që ne do ta ratifikojmë. Për këtë arsye UNË dhe shumë deputetë jemi deklaruar haptas se nuk do ta votojmë, të njëjtën e mendojnë 99 për qind e deputetëve, por kanë shumë arsye që haptas s’e thonë ….?
Unë se besoj trillimin e paraleleve që nëse se votojmë demarkacionin i humbim vizat.
Vizat janë lëkundur për arsye tjera dhe mbi të gjitha pas BREXIT, çdo gjë është diskutabile për perspektivën e BE-së. Së paku, zonja Mogherini deklaroi kështu pak ditë më parë. BE ka bërë eksperimente të rrezikshme me ne, fatkeqësisht po vazhdon, ne nuk mundemi të jemi mjet eksperimentues pafundësisht, i lus të na lejojnë të menaxhojmë detyrat ne vetë.

S’ka asnjë urgjencë miratimi kufirit. Edhe Kryetari i Malit të Zi e tha para dy javësh, “edhe pse po vonohet ratifikimi në Kosovë s’i prishë raportet tona ndërshtetërore.” Unë s’dua të jem ai që do ta miratoj dhe të jem krijues i pakënaqësive të atyre qytetareve në Rugovë, e shumë qytetarëve brenda e jashtë Kosovës.

Unë po kërkoj që Parlamenti ta merr situatën në dorë, t’i thotë Kryeministrit që ta lë FACEBOOK-un, sepse burrështetasit serioz ulen 100 herë, me secilin që kundërshton për të gjetur njëherë një zgjidhje. Me veprimet tona si deputet, t’i tregojmë edhe STATE DEPARTAMENT-IT se jemi të përkushtuar të zgjedhim problemin.

Ne s’po themi se na ka mbetur hatri për komentet e bëra për kufirin para se ta kenë në dorë deputetët materialin, por ne po themi të njëjtën: “Kufiri është i saktë e real dhe i përafërt“, që të gjitha konkluzionet jemi dakord deri tek fjala “i përafërt”, sepse kjo përafërsi nga de limitimi i vitit 1946 po na i humbe 82 km katrorë, e për këtë përafërsi ne kemi mundësi ta qartësojmë plotësisht, me qetësi, me të gjithë spektrin politik nëse vërtetë janë të interesuar për të marrë këtë.

RATIFIKIM.
Këto 82 km katrorë për disa shtete ndoshta nuk janë asgjë por për ne janë më shumë se shumë, aty shtrihet një histori gjaku, aty është një Lum Bjelluha, që ka kapacitet 280 milion metra kub ujë në vit, aty ka hulumtime gjeologjike strategjike siç po thonë librat e ish-instituteve Jugosllave që nuk bën të nënçmohen plotësisht, aty shtrihet MOKNA një pjesë strategjike ushtarake nëse e zotëron dikush tjetër është rrezik për Kosovën, por jo për fqinjin tonë, aty thuren këngë heroike e vajtime epike pafund, aty nesër mundet të jetë problem serioz dekador që ne asnjëherë nuk do mundemi të japim shpjegim. Unë po lus që faktorin ndërkombëtarë dhe kombëtarë, që nga Presidenti, e deri tek Kryeparlamentari mos na shkelni Kushtetutën tonë, duke na bërë presion, sepse kështu nuk janë shembujt e demokracisë, e dialogut, e analizës, e ekspertizës politike e faktike.

Na lejoni ne, deputetëve t’i japim me gjuhën e fakteve, këshillimëve e analizave dhe kontakteve me miqtë malazez, t’i bindim se ata janë futur në dy pozicione tek ne dhe ne jemi futur në dy pozicione tek ta. Ato dy pozicione që janë në anën malazeze, ne nuk na nevojiten sepse nuk është e jona, e aq më shumë as që kemi qasje direkte aty normale, për të pasur qasje aty ne duhet të shkojmë në Rozhajë njëherë dhe të kthehemi lartë tek ato pozicione.

Rrjedhimisht, Kryetari i Parlamentit e ka situatën në dorë komplet nga tri pozicionet që mbanë Parlament, Qeveri dhe Lider i Partisë më të madhe të Koalicionit. I kuptoj vështirësitë e vendimmarrjes, por njerëzit parimor dhe liderët e mëdhenj të marrin vendime të mëdha.
Janë dy opsione para neve: O Demarkacioni të sillet me tërë materialin në Kuvend e të trajtohet në mënyrë ekskluzive me komisionin shtetëror, e me ekspertë kombëtar e ndërkombëtar dhe të qesim të gjithë materialet origjinale që tashmë nuk janë në arkiva shumica etyre, por janë edhe nëpër shtëpi, o demarkacioni mos të ratifikohet, më 1 shtator të shpërbehet Qeveria dhe të shkojmë në zgjedhje të parakohshme dhe kjo çështje t’i mbetet qeverisë e parlamentit të ri për ta zgjedhur, sepse Opozita nuk është duke kundërshtuar këtë formë, por deputetët e pozitës dhe janë mjaftueshëm ata që tanimë kanë treguar haptas se nuk e votojnë.

Në Kosovë, seriozisht kanë filluar të bëhen ndryshime në të menduar dhe në qëndrime, demokracia na garanton mendimin e lirë politik, na garanton integritetin tonë moral, Kushtetuta e Kosovës që të mos i nënshtrohemi asnjë presioni. Ne vërtetë jemi me vota të Partive nga vijmë, por ne në parlament përfaqësojmë tërë popullin, kështu duhet të sillemi dhe vetëm kështu i ndihmojmë Kosovës, kështu krijojmë miqësi me partnerët tanë ndërkombëtarë, kështu sigurojmë rrugën në integrime Evropiane e euroatlantike, kështu tregojmë që jemi për stabilitet dhe jemi të aftë vetë t’i zgjedhim problemet që vetë po i krijojmë, e jo të thirremi e të fshihemi mbrapa miqve tanë sepse vërtetë edhe ata i kemi lodhë me sjelljet e institucioneve e lidershipit tonë.

Kjo hartë është e vitit 1973, që dëshmon se demarkacioni është bërë gabim!
Kjo formë e demarkacionit që po kundërshtohet edhe nga disa anëtarë të kabinetit qeveritar si Kujtim Shala, Hajredin Kuçi, nënkryetari i parlamentit Xhavit Haliti, si dhe Adem Grabovci i cili me deklaratat e tij realiste kur tha se pesë kilometra na është futur Mali i Zi brenda, më jep të drejtë të dyshoj se nuk e larguan plotësisht përgjimet sa deklaratat e tij kolabruese të Qeverisë.
Prandaj nuk është e ndershme të sulmohet edhe deputeti Shpejtim Bulliqi nga LDK e Murat Hoxha si ekspertë që kanë dhe po bëjnë çdo ditë reagime shkencore për këtë çështje, sikur ata e kanë problem privat këtë çështje. Sepse ky problem i tejkalon çështjet politike e interesat meskine tona, kjo është çështje e lartë e shtet formimit dhe perspektivës sonë . Mbi të gjitha ky demarkacion të ishte vërtetuar siç shkruan në harta që janë bazuar ne Kushtetutën e vitit 1974, e që quhet KUFIRI I KRAHINËS AUTONOME TË KOSOVËS, pa hyrë në filozofi që janë bërë nëse vetëm ka diçka që ne nuk e dimë, do të ishte edhe një shpjegim për kufirin me Republikën e Serbisë që atyre do t’i themi vetëm shih GRANICA POKRAINE KOSOVO.
Ata i kanë këto në arkivat e veta në Beograd, komisioni ka mundur t’i gjejë edhe në arkivat e Zagrebit e Lubjanëspse se ka bërë këtë e dinë ata.Por, ne kemi rastin ta bëjmë në komisione në parlament nuk është vonë. Kosova e ka një kufi tanimë të saktë e real dhe të përafërt vetëm se duhet precizuar me metodat e reja dhe në hartat e reja me emërtimin “Kufiri i Republikës së Kosovës,” dhe “Granica Republike Kosovo” për tri shtete që na rrethojnë dhe për ndërkombëtarët “State Border of Republic of Kosovo”.
(BalkanWeb)