TIRANË
Partia Demokratike njoftoi sot për një protestë masive, e cila sipas tyre do të mbahet me 16 shkurt në Tiranë si kundërpërgjigje ndaj qeverisjes kurruptive të kryeministrit Edi Rama.
Ndërsa ky debat ka qenë prezent edhe në studion e emisionit “Dritare me Rudinën” në News 24, ku të pranishmit ndanë pikëpamje të ndryshme për efektin dhe dobinë e kësaj protestë.
Juristi Çlirim Gjata u shpreh se protesta e njoftuar për në 16 shkurt nuk do të jetë e para dhe e fundit, por ajo do të pasojë edhe shumë të tjera si kundërpërgjigje për keqqeverisjen e Shqipërisë. Ai tha se synohet rrëzimi i qeverisë.
Ndërkohë i këtij mendimi është edhe Fatbardh Kadilli, i cili theksoi se kjo protestë do të zhvillohet për hallet e qytetarëve. Nga ana tjetër kjo lëvizje e opozitës përballë qeverisë shihet me skepticizëm nga opinionisti Shpëtim Nazarko, i cili shton faktin se kryeministri Rama nuk rrëzohet dot me rezistencën që bën opozita.
Pjesë nga diskutimi:
Çlirim Gjata: Protesta e 16 shkurtit, jo e vetmja. Protesta ka qëllim rrëzimin e qeverisë.
Kadilli: Do jetë një protestë për hallin e qytetarëve
Shpëtim Nazarko: Me protesta nuk e mundni dot Ramën.
(n.m/BalkanWeb)