Policia e Tiranës ka ndaluar një 53-vjeçar, i cili akuzohet se gjatë protestës para bashkisë së Tiranës se ka kundërshtuar dhe dhunuar efektivët. Burime zyrtare bënë me dije se bëhet fjalë për shtetasin me inicialet A.M.

“Në vijim të veprimeve hetimore të kryera në lidhje me aktet e dhunshme gjatë protestës së datës 19.04.2024, përpara Bashkisë Tiranë, u ndalua shtetasi A. M., 53 vjeç, banues në Tiranë.

Gjatë protestës, 53-vjeçari ka kundërshtuar dhe ka ushtruar dhunë ndaj punonjësve të Policisë.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë.”, sqaron policia.