Sekretari i Partisë së Lirisë dhe deputeti Tedi Blushi, duke dënuar situatën në Vlorë, pasi qytetarët prej ditësh përballen me mungesën e ujit të pijshëm

Blushi thekson se qytetarët janë përballë një emergjencë jetësore të krijuar nga korrupsioni.

Reagimi:

𝐕𝐥𝐨𝐫𝐚-𝐕𝐥𝐨𝐫𝐚, 𝐛𝐞̈𝐣𝐚 𝐟𝐨𝐫𝐚, 𝐛𝐣𝐞𝐫𝐢 𝐦𝐨𝐣 𝐭𝐞̈ 𝐥𝐮𝐦𝐭𝐞̈ 𝐝𝐨𝐫𝐚!
Dinjiteti i Vlorës nuk mund të nëpërkëmbet! Babëzia e Edi Ramës dhe banditëve të tij në krye të Bashkisë ka tharë qytetin për ujë, për të notuar për vete në korrupsion.
Vlora, 4 ditë pa ujë!
Nuk është vetëm një shkelje e një të drejte bazë. Emergjenca jetësore e krijuar për shkak të vjedhjes është kriminale.
Është fyerje ndaj krenarisë së çdo vlonjati që nuk mund të durojë më një çetë hajdutësh që i përmbyt në verë dhe i than për ujë në dimër.
Ngrihuni!
Zëri juaj po dëgjohet në të gjithë Shqipërinë!
Mos lejoni që dinjiteti i Vlorës të poshtërohet! Bashkohuni kundër padrejtësisë!

Gjithashtu lidhur me këtë çështje ka reaguar edhe Klevis Balliu i cili ka hedhur akuza të forta ndaj qeverisë.

REAGIMI

Vlora prej katër ditësh është pa ujë, ndërkohë që pushtetarët lahen me shishe vere të Ergys Agasit. Sot, Edi Rama, në podcastin e tij, nuk gjeti as dy minuta kohë për të folur për këtë emergjencë reale që prek mijëra qytetarë. Përkundrazi, u mor me AKSHI-n, me Agasin dhe me Lubinë, sepse halli i vetëm që ka është halli i tij personal.

Kjo është një qeveri që nuk merret me hallet e qytetarëve, por vetëm me një pyetje: si ta shpëtojmë Edi Ramën nga burgu. Shqiptarët janë lënë pa ujë, pa siguri, pa shpresë, ndërsa pushteti është i zënë duke mbrojtur veten. Prandaj Shqipëria ka nevojë për një qeveri tjetër, një qeveri që merret me hallet e qytetarëve dhe jo me hallin e Edvinit.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb