Në një konferencën telefonike për BBC, zëdhënësin e Vladimir Putinit, Dmitry Peskov, foli mes të tjerash edhe në lidhje me deklaratën e presidentit amerikan Donald Trump se Putin është “çmendur plotësisht” me sulmet e tij të vazhdueshme ndaj Ukrainës.
“Sigurisht, fillimi i procesit të negociatave, për të cilin pala amerikane bëri shumë përpjekje, është një arritje shumë e rëndësishme dhe ne jemi vërtet mirënjohës ndaj amerikanëve dhe personalisht ndaj Presidentit Trump për ndihmën e tyre në organizimin dhe nisjen e këtij procesi negociatash. Është një arritje shumë e rëndësishme. Sigurisht, në të njëjtën kohë ky është një moment shumë i rëndësishëm që lidhet me një mbingarkesë emocionale të të gjithë të përfshirëve dhe reagime emocionale. Ne i monitorojmë me kujdes të gjitha reagimet. Megjithatë, Presidenti Putin merr ato vendime që janë të nevojshme për sigurinë e vendit tonë.
Të gjithë ishim dëshmitarë se si regjimi i Kievit kërcënoi udhëheqësit e huaj përpara se ata të vinin në Moskë për të përkujtuar Ditën e Fitores. Të gjithë i dëgjuan këto kërcënime nga regjimi i Kievit. Dhe shumë udhëheqës që ishin këtu dëshmuan përpjekjet e regjimit të Kievit për të goditur territorin rus me dronë, qytete të mëdha, madje edhe kryeqytetin, në prag të një dite kaq të rëndësishme. Këto përpjekje vazhdojnë. Ne jemi të detyruar të marrim masa dhe Presidenti Putin bën atë që është e nevojshme për të siguruar sigurinë për Rusinë”, tha ai.
