Gianni Infantino, president i FIFA-s, i doli në krah sulmuesit të Real Madrid, Vinicius. Bëhet fjalë për një incident i cili ndodhi gjatë pjesës së dytë të ndeshjes së UEFA Champions League ndaj Benficas, e cila u ndërpre për 11 minuta pasi Vinícius raportoi te gjyqtari Francois Letexier një koment me përmbajtje raciste.

“Isha i tronditur dhe i trishtuar kur pashë incidentin e dyshuar të racizmit ndaj Vinícius Júnior në ndeshjen e Ligës së Kampionëve të UEFA-s midis SL Benfica dhe Real Madrid CF”.

“Nuk ka absolutisht asnjë vend për racizëm në sportin tonë dhe në shoqëri – ne kemi nevojë që të gjithë palët e interesuara përkatëse të ndërmarrin veprime dhe t’i mbajnë përgjegjës ata që janë përgjegjës”.

“Në FIFA, nëpërmjet Qëndrimit Global Kundër Racizmit dhe Panelit të Zërit të Lojtarëve, ne jemi të përkushtuar për të siguruar që lojtarët, zyrtarët dhe tifozët të respektohen dhe të mbrohen, dhe se të ndërmerren veprime të përshtatshme kur ndodhin incidente”.

 

“E përgëzoj gjyqtarin François Letexier për aktivizimin e protokollit anti-racizëm duke përdorur gjestin e krahut për të ndaluar ndeshjen dhe për të adresuar situatën. FIFA dhe futbolli tregojnë solidaritet të plotë ndaj viktimave të racizmit dhe çdo forme diskriminimi”.

“Do të vazhdoj ta përsëris gjithmonë: Jo racizmit! Jo çdo forme diskriminimi!”, ka shkruar ai.