Një raketë balistike e lëshuar nga Irani që po shkonte drejt hapësirës ajrore turke është rrëzuar ditën e sotme nga forcat mbrojtëse të NATO-s.

Ministria tha:

“Ndërsa Turqia mbështet stabilitetin dhe paqen rajonale, ajo është plotësisht e aftë të mbrojë territorin dhe qytetarët e saj, pavarësisht nga burimi ose origjina e çdo kërcënimi. Të gjitha hapat e nevojshëm për të mbrojtur territorin dhe hapësirën tonë ajrore do të ndërmerren me vendosmëri dhe pa hezitim. Ne përsërisim se e drejta jonë për t’iu përgjigjur çdo akti armiqësor të drejtuar kundër vendit tonë është e rezervuar.”

“U bëjmë thirrje të gjitha palëve të përmbahen nga veprimet që mund ta përshkallëzojnë më tej konfliktin në rajon.”

Turqia do të flasë me NATO-n dhe aleatët e tjerë të saj pas incidentit, njoftoi ministria.

Incidenti shënon përshkallëzimin më të fundit në konfliktin në zgjerim. Përpara se të fillonin sulmet SHBA-Izrael, Turqia, një anëtare e NATO-s dhe fqinje e Iranit, për javë të tëra i kishte kërkuar Uashingtonit dhe Teheranit të arrinin një marrëveshje gjatë raundeve të tyre të negociatave mbi programin bërthamor dhe aftësitë raketore të Iranit, duke paralajmëruar se rajoni nuk mund të përballonte më destabilizim.

Lufta u zgjerua shpejt pas sulmeve të para ndaj Iranit të shtunën, me Teheranin që goditi shtetet e Gjirit që strehojnë bazat amerikane dhe Izraelin që sulmoi objektivat e Hezbollahut të mbështetur nga Irani në Liban.