Qytetarët janë mbledhur para Kryesisë së Kuvendit. Para godinës janë mbledhur protestues të shumtë nga bashkitë që kundërshtojnë reformën territoriale të propozuar nga PS.

Protestuesit janë organizuar, ndërsa në Komisionin e Ligjeve, do diskutohet për këtë çështje.

Reforma e propozuar është kundërshtuar prej disa kohës. Banorët e Divjakës, gjithashtu kanë kundërshtuar propozimin e PS, duke organizuar ço ditë protesta dhe duke kërkuar që Divjaka të jetë bashki më vete. Edhe disa bashki të tjera kanë mbajtur të njëjtin qëndrim.

Ndër disa prej pankartave të spikatura në protestë, shihen nga Bashkia Selenicë, Fushë Arrësi.

“Fushë Arrëzi nuk dorëzohet”, “Mos e prekni Selenicën”, “Mos na merrni zërin, dëgjoni qytetarët”, “Identiteti ynë nuk negociohet”, janë disa prej mesazhe që përcjellin qytetarët nëpërmjet pankartave.