Një skenar i ri i Luftës së Tretë Botërore është shfaqur me qëllimin e Rusisë për të përmirësuar sistemin e saj të ri raketor “ të pandalshëm” me energji bërthamore Oreshnik në Bjellorusi , nga ku mund të godasë Londrën “vetëm në tetë minuta” , duke intensifikuar kërcënimet e saj ndaj Perëndimit.

Si Rusia ashtu edhe Bjellorusia kanë thënë se sistemi i raketave balistike me rreze të mesme veprimi Oreshnik do të jetë në gjendje të hyjë në shërbim brenda 17 ditëve të ardhshme.

Por shefi i inteligjencës së Kievit, Oleg Ivasenko, pretendoi se Vladimir Putin mund të jetë duke bërë bllof .

“Rusia dhe Bjellorusia po ndërtojnë objekte ushtarake për lëshuesin, sistemet e mbikëqyrjes dhe komunikimet – të gjitha elementë të sistemit Oreshnik”, konfirmoi Ivasenko, duke folur për agjencinë shtetërore të lajmeve Ukrinform , duke shtuar megjithatë se “deri më tani, këto përpjekje nuk janë përfunduar ende. Ndërsa Rusia mund të instalojë fizikisht një sistem lëshimi raketash në Bjellorusi për të arritur qëllimin e saj deri në fund të vitit, ai do të shërbejë vetëm si një “mantel” ose “model” nëse infrastruktura e plotë nuk përfundon”.

Besohet se në tetor Ukraina shkatërroi një nga vetëm tre komplekset Oreshnik me një bastisje të madhe në poligonin e testimit Kapustin Yar në Rusinë jugore.

Besohet se një bazë ushtarake sekrete është në zhvillim e sipër pranë fshatit Pavlovka, në jug të Minskut, për të vendosur armatimet pranë kufijve të NATO-s. Vendi i ndërtimit është afërsisht sa madhësia e 280 fushave të futbollit.