Jose Mourinho i tha “Jo” pankinës së Portugalisë dhe Brazilit, në këndvështrimin e tij nuk është ende koha për të dalë në “pension”, për të marrë drejtimin e një përfaqësueseje. Ky fakt nuk do të thotë që drejtuesit e Romës të qëndrojnë të qetë, pasi sipas Daily Mail, “specialin” e ka marrë malli për Premier League.

Kjo ide e Mourinho-s, për një rikthim në Premier League, ka të bëjë me faktin që Roma nuk mund të përmbush kërkesat e tij, në lidhje për të ndërtuar një skuadër konkurruese. Gjithnjë sipas të përditshmes britanike, skenari që e josh më shumë është një rikthim i tretë në krye të Chelsea, pavarësisht se për momentin pozitat e Potter janë të qëndrueshme.

Një tjetër fakt që shtyn Mourinho-n drejt ishullit është se bashkëshortja dhe fëmijët e tij jetojnë në Londër. Në çdo rast, Premier League, apo çdo ide tjetër për tu larguar nga Roma, do të shqyrtohet vetëm në përfundim të këtij sezoni.

(BalkanWeb)