Analisti Fatos Lubonja, ishte i ftuar në emisionin “Kjo Javë” ku përmendi pritshmëritë nga kreu i ri i SPAK, sic është lufta ndaj korrupsionit dhe vënia para përgjegjësisë e zyrtarëve të korruptuar.

Lubonja tha se raste si Balluku e cila po hetohet për pabarazi në tenderin e tunelit të Llogarasë, tregojnë se është një rreth shumë më i gjerë që hyn, jo vetëm korrupsion pasiv

“Me kë e kanë bërë korrupsion? E dimë shumë mirë që një pjesë e parave kanë shkuar për të korruptuar individë, vjedhjen e votës. SPAK ka marrë segmente dhe këto segmente i kanë inkurajuar me shpresën se do mbyllet rrethi, te Rama. Por a do shkojë me vërtetë aty?”, tha Lubonja.

Fatos Lubonja: Bëj pjesë ndër ata që kam ngulmuar që atij që quhet rrethi i krimit që nuk përfshin vetëm një person që hetohet dhe disa akte korruptimi, apo pabarazi në tendera si Balluku, po është një rreth shumë më i gjerë që hyn, jo vetëm korrupsion pasiv.

Sepse ka dhe korrupsion aktiv. Me kë e kanë bërë korrupsion? E dimë shumë mirë që një pjesë e parave kanë shkuar për të korruptuar individë, vjedhjen e votës. Rreth i gjerë që mbyll, dhe SPAK ka marrë segmente. Këto segmente i kanë inkurajuar me shpresën se do mbyllet rrethi, te Rama. Por a do shkojë me vërtetë aty?

Shumë thonë janë amerikanët prapa. Këto amerikanë janë ata që ishin apo janë ata tani me qasje tjetër. Më bëri përshtypje deklarata e ambasadës sot, kur  u shpall Berisha non grata ishte rrezik korrupsioni, sot flitet për rrezik të krimit dhe trafikut të drogës. Sa është ky SPAK i kontrolluar. Dumani mund të ishte një fillim, por nëse standardi do rrijë te Dumani nuk e dijë sa do e luftojë krimin.