Gjashtëmbëdhjetë persona janë vrarë, përfshirë ministrin e punëve të brendshme të Ukrainës, zv.ministrin e Brendshëm dhe Sekretarin e Shttit, pasi një helikopter u rrëzua pranë një kopshti fëmijësh në një periferi lindore të kryeqytetit Kiev.
Dy fëmijë po ashtu janë mes të vdekurve dhe 10 të tjerë po trajtohen në spital. Ministri, Denys Monastyrsky, ishte me tetë persona të tjerë në helikopter.
Shefi i policisë kombëtare Ihor Klymenko shkroi në Facebook se helikopteri i përkiste shërbimit të emergjencës shtetërore të Ukrainës. Pas përplasjes një zjarr shpërtheu pranë kopshtit dhe fëmijët dhe stafi u zhvendosën nga ndërtesa. Mbetjet nga helikopteri ishin të dukshme jashtë një ndërtese të djegur.
Ishte errësirë dhe mjegull në momentin e rrëzimit dhe raportet fillestare sugjerojnë se helikopteri goditi kopshtin përpara se të rrëzohej pranë një ndërtese banimi.
Njëzet e dy persona janë dërguar në spital, duke përfshirë 10 fëmijë, tha Klymenko.
