Rusia raportohet se planifikon ngritjen e një baze të dytë ushtarake pranë kufirit me Ukrainën.
Duke cituar dokumentet publike, agjencia e lajmeve Reuters ka raportuar të mërkurën se Ministria e Mbrojtjes synon të shndërrojë një depo të vjetër ushtarake në qytetin Boguçar – 45 kilometra nga kufiri me Ukrainën – në bazë.
Në bazën e re pritet të vendosen dhjetëra objekte të veçanta për më shumë se 5,000 trupa dhe 1,300 automjete të blinduara.
Ditë më parë, agjencia Reuters ka raportuar se Moska ka nisur ndërtimin e një baze të madhe ushtarake pranë qytetit Valuiki, në afërsi të kufirit me Ukrainën.
(d.d/BalkanWeb)
© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
