Ministria e Brendshme ruse vendosi në listën e të kërkuarve Oleg Navalny, vëllanë e politikanit opozitar Alexey Navalny i cili vdiq javën e kaluar në një koloni burgu.

Ministria tha se Oleg Navalny kërkohet sipas “një neni të Kodit Penal”, pa dhënë detaje të mëtejshme.

Në gusht 2021, Gjykata Preobrazhensky e Moskës dënoi Oleg Navalny, 40 vjeç, me një vit provë për shkeljen e standardeve sanitare gjatë mitingjeve në mes të pandemisë COVID-19.

Nga dhjetori 2014 deri në qershor 2018, ai ka vuajtur një dënim në burg për një çështje mashtrimi dhe përvetësimi.