Administratori i një ndërtese në Gaza duket i qetë dhe pa panik teksa flet me celularin e tij, duke ecur lart e poshtë në një rrugë.

Në pamjet video të kapura nga një shikues, Jamal Nasman nuk tregoi panik. Megjithatë, ajo që ai po dëgjonte ishte një oficer izraelit duke e paralajmëruar atë për një sulm ajror në bllokun e tij.

Ai më vonë i tha “Reuters” se një oficer izraelit i kishte dhënë paralajmërim paraprak se blloku 13-katësh që ai ruante do të ishte objektivi i një sulmi ajror. Izraeli tha se militantët e Hamasit përdorën ndërtesën.

Mes përshkallëzimit më të ashpër në luftimet midis izraelitëve dhe palestinezëve që nga viti 2014, kjo është ajo që Nasman tha gjatë telefonatës, duke ofruar një pasqyrë se si – të paktën ndonjëherë – këta fqinjë dhe antagonistë luftojnë luftrat e tyre.

“Sa kohë doni?”, Nasman ndalet për të dëgjuar. “Dy ose tre orë? Ju thatë dy ose tre orë dhe atëherë askush nuk duhet të jetë atje?” Pauzë. “Kështu që unë do të shkoj në bllok dhe do t’iu them se askush nuk duhet të vijë?”

Një burrë tjetër mbështetet, i etur për të dëgjuar telefonuesin. “Ok, e kuptova. Droni do ta godasë atë një herë dhe pastaj dy herë të tjera”. Pauzë. “Atëherë do të godasësh bllokun”. 67-vjeçari, babai i tetë fëmijëve ndalet përsëri. “Po, e drejtë, nuk ka problem, vetëm një moment… të gjithë kanë dalë nga ndërtesa, madje edhe ata nga ndërtesat përreth janë duke qëndruar në rrugë – nuk ka asnjëri”.

Ndërtesa që kishte apartamente banimi dhe zyra të Hamasit, për të cilat Izraeli tha se përfshinte operacione të inteligjencës dhe ushtarake, u evakuua. Së pari, raketa të vogla goditën bllokun në rajonin Rimal të qytetit të Gazës, pastaj bum, ndërtesa u rrëzua, treguan pamjet. Disa orë pasi u shkatërrua, Izraeli konfirmoi se kishte dhënë një paralajmërim paraprak për civilët që të largoheshin.

Kjo nuk është ajo që ndodh gjithmonë kur Izraeli godet atë që e konsideron një objektiv ushtarak.
Ai thotë se bën të gjitha përpjekjet për të ruajtur jetën civile dhe akuzon Hamasin – grupin që sundon Gazan dhe të cilin ajo e konsideron një organizatë terroriste – për përdorimin e zonave civile për të ngritur operacione, të tilla si planifikimi i sulmeve ose hedhja e raketave në qytete izraelite.

Banorët e Gazës dhe palestinezët e tjerë thonë se veprimet izraelite synojnë të ndëshkojnë komunitetet, jo vetëm militantët. Ata thonë se shumica dërrmuese e siteve goditen pa paralajmërim paraprak.