Historia po bëhet, kështu e cilëson Presidenti ukrainas, Volodomir Zelensky, samitin global të paqes që mbahet në Zvicër. Zelensky ka postuar në Twitter një foto të tij me presidenten zvicerane Viola Amherd, ndërsa e shoqëron me mesazhin:
“Pikëpamjet, idetë dhe udhëheqja e çdo kombi janë njësoj të rëndësishme për ne, dhe çfarëdo që do të arrihet në Samitin e sotëm do të jetë pjesë e procesit të paqebërjes dhe rikthimit të fuqisë së plotë të Kartës së OKB-së për të cilën të gjithë kemi nevojë. Besoj se këtu në Samit do të shohim që historia të bëhet”.
Together with Swiss President Viola Amherd @Violapamherd, we started working at the Global Peace Summit.
The representation at the summit is unprecedented. All parts of the world, all continents, different nations, both large and small geographically, and every political pole… pic.twitter.com/LbAHo8kRJg
— Volodymyr Zelenskyy / Володимир Зеленський (@ZelenskyyUa) June 15, 2024
Udhëheqësit botërorë u mblodhën në një vendpushim malor zviceran mbi liqenin e Lucernit të shtunën në përpjekje për të krijuar mbështetje për propozimet e paqes të Ukrainës në samitin e parë dy-ditor ndërkombëtar.
Më shumë se 90 vende morrën pjesë, ku presidenti ukrainas Volodymyr Zelensky parashikoi se bota do të shihte “historinë duke u bërë”.
Por pritshmëritë për përparim të konsiderueshëm janë të ulëta me lojtarët kryesorë, veçanërisht Kinën, që mungojnë dhe Rusia nuk ishte e ftuar.
Të dielën, në grupet e punës në samit do të diskutohen në detaje tri tema: siguria bërthamore, liria e lundrimit dhe siguria ushqimore dhe aspektet humanitare. Këto do të shikojnë transportin e Detit të Zi, të burgosurit e luftës, të burgosurit civilë dhe fëmijët e dëbuar.
Pak para nisjes për në samit, kancelari gjerman Olaf Scholz tha se liderët e G7 nuk diskutuan propozimet e Vladimir Putin për paqen në Ukrainë pasi të gjithë e dinin se ato nuk ishin serioze.
Scholz tha se propozimet e presidentit rus – që Ukraina të braktisë katër provincat që Rusia pretendon, të ndalojë luftën dhe të heqë ambicien e saj për anëtarësim në NATO – kishin për qëllim vetëm shpërqendrimin nga konferenca.
Kremlini tha të shtunën se perëndimi kishte reaguar në mënyrë jokonstruktive ndaj propozimeve të Putinit për një arkitekturë të re sigurie dhe bisedime paqeje me Ukrainën.
