Kreu i Partisë Demokratike Sali Berisha, ka komentuar deklaratën e kryeministrit Edi Rama se mazhoranca nuk do të japë autorizim për heqjen e imunitetit të Belinda Ballukut, çka do t’i hapte rrugë arrestimit të saj, para 22 janarit, kur pritet të vendosë Gjykata Kushtetuese për ankimin e Qeverisë.

Në një deklaratë për mediat nga selia blu, Berisha u shpreh abuzimet me fondet publike të cilat diskutohen në dosjet në hetim, janë vetëm deri tani 1.2 miliardë euro, ndaj opozita do të vijojë revoltën deri në përmbysjen e regjimit.

“Do të bëjmë çdo përpjekje që para shikohet nga ligji, por do i bëjmë me bindjen se Rama pa dorëzuar veten nuk dorëzon Ballukun. Janë 1.2 mld euro në vetëm 2 dosje. Ka dalë edhe dosja e AKSHI-t, lulet e atij kopshti i ujiste linda e Surrelit.

Ishin marrë 3 pengje dhe ndoshta gjëra më të mëdha. Rama e ka të qartë se mbi të rëndojnë krime të përmasave që dalin jashtë parashikimeve. Opozita zbret në shesh me bindjen të zhdukë narko shtetin”, tha ai.