Sekuestrimi me forcë i kompjuterëve dhe dosjeve të gazetarëve të Focus Media News ka shkaktuar reagime të forta nga organizata Safe Journalist. Në materialet e sekuestruara përfshihen edhe hetime të ndjeshme për korrupsion.

Veprime të tilla vënë në rrezik sigurinë e gazetarëve dhe mbrojtjen e burimeve të tyre.

Safe Journalist kërkon që autoritetet të respektojnë procesin ligjor dhe të veprojnë me transparencë dhe masa sigurie.

Postimi i Safe Journalist:

Po marrim raportime për sekuestrimin me forcë të kompjuterëve dhe dosjeve të gazetarëve në Focus Media Group, përfshirë materialet që lidhen me hetime të ndjeshme për korrupsion. Veprime të tilla rrezikojnë seriozisht sigurinë e gazetarëve dhe mbrojtjen e burimeve të tyre.

‼️Bëjmë thirrje që të respektohet procesi ligjor dhe kërkojmë nga autoritetet që të shmangin veprimet arbitrare dhe të nxituara. Çdo hyrje në redaksi duhet të ndjekë procesin e duhur me masa sigurie: inventar të plotë të të gjitha sendeve, praninë e përfaqësuesve të kompanisë, mbrojtjen e të gjitha materialeve konfidenciale, dhe transparencë të plotë nga të gjitha palët e përfshira.