Sam Altman do të rikthehet në krye të OpenAI pasi të arrihet një marrëveshje në parim, njoftoi kompania.

Me anë të një postimi në X, OpenAI njoftoi gjithashtu një “bord të ri fillestar të Bret Taylor (kryetar), Larry Summers dhe Adam D’Angelo.

Altman gjithashtu postoi duke thënë se “unë e dua OpenAI dhe gjithçka që kam bërë gjatë ditëve të fundit ka qenë në shërbim të mbajtjes së këtij ekipi dhe misionit të tij së bashku”.

Javën e kaluar bordi i OpenAI, i cili krijoi mjetin e inteligjencës artificiale ChatGPT, tha se e kishte larguar Altmanin pasi një rishikim zbuloi se ai “nuk ishte vazhdimisht i sinqertë në komunikimet e tij” me bordin.

Presidenti dhe bashkëthemeluesi i kompanisë tha në X “përparim i mahnitshëm i arritur sot. Ne do të kthehemi më të fortë dhe më të bashkuar se kurrë”.

Rreth 500 punonjës kishin nënshkruar një letër duke kërkuar që bordi të jepte dorëheqjen dhe të rivendoste Altman.