SHBA do të vendosë ndalimin e vizave për kolonët ekstremistë izraelitë në Bregun Perëndimor, ka konfirmuar sekretari amerikan i shtetit Antony Blinken.
Ai tha në një deklaratë se kufizimet do të synojnë ata që janë të përfshirë në dhunë ose veprime të tjera që kufizojnë aksesin e civilëve në shërbimet thelbësore dhe nevojat themelore. Ato gjithashtu mund të zbatohen për anëtarët e familjes së individëve, tha Z. Blinken.
Reagimi vjen pasi departamenti amerikan njoftoi dje se nuk ishin të mjaftueshme masat e marra nga qeveria izraelite për të trajtuar dhunën e kolonëve në Bregun Perëndimor. Zyra e Kombeve të Bashkuara për Koordinimin e Çështjeve Humanitare tha se kishte regjistruar të paktën 314 sulme kolonësh kundër palestinezëve në Bregun Perëndimor që nga 7 tetori, me 35 që rezultuan me viktima.
Pas prishjes së armëpushimit, Izraeli ka nisur një kundërofensivë ndaj militantëve të Hamasit, të cilët kryen një sulm terrorist në territoret izraelite.
Today, I announced a new visa restrictions policy targeting individuals and their family members involved in or meaningfully contributing to actions that undermine peace, security, and stability in the West Bank. Violence against civilians will have consequences.
— Secretary Antony Blinken (@SecBlinken) December 5, 2023
