Sekretari i Përgjithshëm i OKB-së, Antonio Guterres, shprehu shqetësim të enjten për marrjen në kontroll të një anijeje cisternë nafte në brigjet e Venezuelës një ditë më parë nga SHBA -të , tha zëdhënësi i tij.

“Sekretari i përgjithshëm ka qenë i shqetësuar për çdo përshkallëzim të tensioneve në lidhje me Shtetet e Bashkuara dhe Venezuelën, dhe është i shqetësuar nga ky zhvillim i fundit”, tha zëdhënësi i OKB-së, Farhan Haq, gjatë një konference për shtyp.

Duke i nxitur të gjitha palët të “respektojnë” detyrimet e tyre sipas Kartës së OKB-së dhe ligjit ndërkombëtar, Haq tha: “Ne u bëjmë thirrje të gjithë aktorëve të përmbahen nga veprimet që mund të përshkallëzojnë më tej tensionet dypalëshe dhe të destabilizojnë Venezuelën dhe rajonin.”

Ky veprim vjen mes tensioneve në rritje midis Karakasit dhe Uashingtonit, ndërsa Presidenti i SHBA-së Donald Trump vazhdon të kërkojë që Presidenti i Venezuelës, Nicolas Maduro, të japë dorëheqjen.

SHBA-të kanë kryer tashmë 22 sulme të njohura ndaj anijeve të dyshuara si “narko-terroriste” në det, duke vrarë 87 persona që nga fillimi i sulmeve në Detin e Karaibeve dhe Oqeanin Paqësor Lindor në fillim të shtatorit.