Sekretari i Përgjithshëm i Kombeve të Bashkuara, Antonio Guterres, i bëri thirrje Izraelit dhe Hezbollahut pro-iranian që të “ndalojnë luftën” në Liban, ku ushtria izraelite po intensifikon sulmet e saj.

“U bëj thirrje fuqimisht të dyja palëve, Hezbollahut dhe Izraelit, të arrijnë një armëpushim për të ndaluar luftën”, tha ai gjatë një vizite në Bejrut.

Më tej ai shtoi se “Tani nuk është koha për organizata të armatosura, është koha për shtete të forta”.

“Shpresoj vërtet që gjatë vizitës sime të ardhshme… do të jem në gjendje të shoh një Liban në paqe. Do të jem në gjendje të vizitoj një Liban ku shteti ka monopolin e pushtetit dhe ku integriteti territorial është rivendosur dhe respektuar plotësisht”, tha Guterres.