Eksperti i ekonomisë Pano Sako i ftuar në studion e emisionit “Open” në News24, foli për shëndetin mendor të shqiptarëve.

Ai u shpreh se shëndeti mendor është i lidhur ngushtë me ekonominë dhe me padrejtësitë sociale. Ndër të tjera, Sako tha se të mos qenit të barabartë para ligjit krijon stres dhe pasiguri për të ardhmen.

“Ekonomia është shumë e lidhur me shëndetin, sidomos atë mendor. Një vend me njerëz të pashëndetshëm futet në një spirale, që është ekonomia. Një pjesë e mirë e tyre në thelb të këtij indikatori ka qenë ekonomia. Kjo shfaqet në formën e stresit. Flasim për të papunët, që janë më të stresuar. Padrejtësitë sociale, ose të mos qenit të barabartë para ligjit janë një nga elementët që krijojnë pasiguri për të ardhmen. Kupton se kjo shoqëri nuk është e barabartë. Ka shumë mundësi që të humbasësh gjithçka që ke.”, u shpreh Pano Soko.

(BalkanWeb)