Agjencia Izraelite e Sigurisë së Brendshme – Shin Bet – njoftoi të mërkurënse kishte penguar një komplot për të vrarë Ministrin e Sigurisë Kombëtare, Itamar Ben Gvir, dhe se anëtarët e një qelize të Hamasit ishin arrestuar.
Sulmi i planifikuar i Hamasit ndaj ministrit të ekstremit të djathtë do të përfshinte përdorimin e dronëve me eksploziv, raportoi ky shërbim i inteligjencës së brendshme izraelite.
Shin Bet tha se anëtarë të një qelize të Hamasit nga zona e Hebronit në Bregun Perëndimor të pushtuar nga Izraeli u arrestuan dhe u sekuestruan dronë.
Agjencia theksoi gjithashtu se beson që grupi po drejtonte një seli të Hamasit në Turqi “me qëllim kryerjen e një sulmi atentati kundër Ben Gvir”. “Hetimi është ende duke vazhduar, tha ai.
Hamasi, me të cilin Izraeli ka qenë në luftë në Rripin e Gazës për gati dy vjet, nuk ishte menjëherë i disponueshëm për koment. Nuk pati asnjë koment nga Turqia.
Ministri izraelit i ekstremit të djathtë tha në një deklaratë se nuk do të dekurajohej ose frikësohej. “Hamasi është përpjekur tashmë pesë herë të më vrasë dhe çdo herë ka dështuar”, tha ai, duke falënderuar Zotin dhe forcat e sigurisë së Izraelit.
