Një konflikt familjar në fshatin Majtarë të Dibrës ka përfunduar me një person të arrestuar, një tjetër të shpallur në kërkim dhe tre persona të proceduar penalisht. Pas njoftimit për konfliktin, shërbimet e Komisariatit të Policisë Dibër ndërhynë në kohë, duke parandaluar përshkallëzimin e mëtejshëm të situatës.

Në pranga u vu 34-vjeçari me inicialet D. E., i dyshuar se ka dhunuar kunatën e tij, 40-vjeçaren F. E. Ndërkohë, djali i 40-vjeçares, 19-vjeçari F. E., është shpallur në kërkim. Sipas Policisë, gjatë konfliktit ai ka qëlluar me armë zjarri në ajër, me qëllim kanosjen e xhaxhait të tij. Vijojnë kontrollet për kapjen e të riut dhe gjetjen e armës së përdorur.

Në gjendje të lirë po procedohen edhe tre persona të tjerë. 40-vjeçarja F. E. dhe 25-vjeçarja A. E. dyshohet se kanë ushtruar dhunë ndaj njëra-tjetrës, ndërsa 38-vjeçari E. E. dyshohet se ka tentuar të fshehë prova në vendngjarje.

NJOTIMI I POLICISE
Dibër/ Parandalohet përshkallëzimi i një konflikti në familje.

Dhunoi kunatën e tij dhe, gjatë konfliktit, djali i saj qëlloi në ajër me armë zjarri, me qëllim kanosjen e xhaxhait të tij, falë ndërhyrjes në kohë të Policisë, parandalohet përshkallëzimi i mëtejshëm i konfliktit.

Ndalohet 34-vjeçari që dhunoi kunatën, shpallet në kërkim 19-vjeçari që qëlloi me armë zjarri në ajër, si dhe procedohen në gjendje të lirë 3 të tjerë.

Menjëherë pas njoftimit për një konflikt në një familje në fshatin Majtarë, shërbimet e Komisariatit të Policisë Dibër organizuan punën dhe shkuan në vendngjarje, për të sqaruar rrethanat dhe përfshirjen në konflikt.

Si rezultat i ndërhyrjes në kohë dhe veprimeve policore, u parandalua përshkallëzimi i mëtejshëm i konfliktit dhe u vu në pranga shtetasi D. E., 34 vjeç, pasi dyshohet se ka dhunuar kunatën e tij, shtetasen F. E., 40 vjeçe.

Ndërkohë, u shpall në kërkim djali i 40-vjeçares, shtetasi F. E., 19 vjeç, i cili dyshohet se ka qëlluar në ajër me armë zjarri, me qëllim kanosjen e shtetasit D. E., xhaxhait të tij. Vijon puna për kapjen e tij dhe kontrollet për gjetjen dhe sekuestrimin e armës së zjarrit të përdorur gjatë konfliktit.

Gjithashtu, filloi procedimi penal në gjendje të lirë për shtetaset F. E., 40 vjeçe, dhe A. E., 25 vjeçe, pasi kanë dhunuar njëra-tjetrën, si dhe për shtetasin E. E., 38 vjeç, pasi dyshohet se ka tentuar të fshehë provat në vendngjarje.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.