Katër shqiptarë kanë rënë në prangat e policisë Italine paraditen e 19 majit, raportojnë mediat vendase.

Mësohet se arrestimi i tyre ka ardhur pasi ata u kapën në flagrancë duke shitur lëndë narkotike pranë një stacioni treni.

Mediat italiane raportojnë se karabinierët vunë re qëndrimin e dyshimtë të shqiptarëvë pranë stacionit të trenit San Pietro a Vico dhe u vunë në ndjekje të tyre.

Policia ushtroi kontrolle fillimisht në mjetin me të cilin ata lëviznin ku zbuluan një pako me mbi 330 gramë kokainë.

Më pas u kryen edhe kontrolle në banesat e shqiptarëve në provincat e Firences dhe Arezzo-s ku u gjetën sasi të tjera hashash dhe marihuanë, peshore precize dhe materiale paketimi, raportojnë mediat italiane.