Gazetari Mentor Kikia ishte i ftuar në studion e “Log.” me Endro Xhafon në News24, ku po diskutohet në lidhje me ankimimin e ish-kreut të Bashkisë Tiranë, Erion Veliaj, mbi shkarkimin e tij nga detyra.

Kikia u shpreh se çështja “Veliaj” tashmë ka dy dimensione, dimensionin politik dhe atë penal. Ai u shpreh se ankimimi në GJK ndalon procesin e zgjedhjeve, për të cilin kryeministri Edi Rama kishte nxitimin për ta nisur, ndërsa shtoi se është pikërisht ky ankimim që do të përcaktojë se kur do të nisë procesi.

“Deri tani çështja është penale dhe e ngarkuar maksimalisht me dozën politike për shkak të konspiracionit nëse ishte e inskenuar politikisht, nxitur kjo edhe nga deklarata që Velija hidhte herë pas herë. Tashmë ka 2 dimensione, dimensionin penal dhe atë politik. Ky i fundit është në tavolinë me shkarkimin e tij dhe nxitimin e Ramës për të shpallur kandidatin për të caktuar drejtuesin e fushatës dhe shtabin. PS ka nisur dhe fushatën dhe gjithkush ishte gati të vinte bast që Veliaj nuk do të ankimonte pasi të gjithë e dinë që ankimimi në Kushtetuese ndalon procesin e zgjedhjeve.
Dimensioni politik është hedhur tashmë në tryezë dhe pavarësisht parashikimeve që Veliaj po bën llogaritë të zgjedhë humbjen më të vogël, për mua nuk është çështje sfide por shkarkimi i tij është çështje politike pasi ankimimi i tij do të përcaktojë kohën kur do të mbahen zgjedhjet.
GJK është në koherencë dhe me rëndësinë e çështjes”, tha ai.