Ish eurodeputetja Doris Pack me anë të një postimi në “Twitter” ka reaguar për shoqërimet e policisë të protestuesve në Tiranë.
Pack ka shpërndarë postimin e ish ministrit Genc Pollo, duke thënë se ky është një aksion brutal i policisë dhe fytyra e vërtetë pas premtimeve që bën Edi Rama.
#Albania wants starting negotiations with EU: this act of #Rama – giving the Theater in the hands of his true friend+ the brutal police action on the Europe Day show the real face behind his promises in so many european meetings. https://t.co/LIw2YcYPtI
— Doris Pack (@pack_doris) May 9, 2020
“Shqipëria dëshiron që të fillojë negociatat me BE-në. Mirëpo, ky akt i Edi Ramës, plus aksioni brutal i policisë, në Ditën e Europës tregojnë fytyrën e vërtetë pas premtimeve të kryeministrit në kaq shumë takime me përfaqësues të BE-së”, shkruan Pack.
Ndërsa, më herët ish ministri Genc Pollo shkruante se në Ditën e Europës, Rama dërgoi policinë për të shoqëruar në mënyrë brutale protestuesit.
“Në Ditën e Europës, Kryeministri Rama dërgoi policinë për të bërë dhunë brutale mbi protestuesit paqësorë, që ishin kunder korrupsionit qeveritar. Mënyrë e bukur për qeverinë shqiptare për të festuar”, shkruan Pollo.
(d.xh/ Balkanweb)
