Të paktën pesë persona mbetën të vrarë dhe gjashtë u plagosën si pasojë e një zjarri në platformën e naftës të kompanisë shtetërore meksikane Pemex.

https://twitter.com/i/status/1429720095769735174

Sipas Reuters ekipet e shpëtimit janë ende në kërkim të dy personave.

Për shkak të zjarrit që ndodhi të dielën, puna në 125 puse nafte për të cilat platforma siguron gaz dhe energji elektrike u pezullua.

Incidenti ndodhi gjashtë javë pasi një rrjedhje gazi në tubacionin nënujor Pemex shkaktoi një zjarr në sipërfaqen e oqeanit në Gjirin e Meksikës.

Zjarri u quajt “syri i zjarrit”, dhe fotot e ngjarjes u shpërndanë në rrjetet sociale.

(BalkanWeb)