Deputetja e PD-së, Jorida Tabaku, ka reaguar përmes një postimi në rrjetet sociale lidhur me situatën e pagave dhe taksimit në Shqipëri.
“Për një vit me radhë socialistët folën për paga minimale, pensione e paga mesatare. Sot, shqiptarët përballen me realitetin e hidhur: paga minimale më e ulëta në rajon dhe një sistem taksash të padrejtë që rëndon mbi punën dhe shtresën e mesme. Ndërkohë, ekonomia punon vetëm për pakicën,” – shkruan Tabaku.
Sipas të dhënave të fundit të Eurostat:
• Paga minimale në Shqipëri është 408 €,
• 200 € më pak se në Serbi,
• 189 € më pak se në Maqedoninë e Veriut,
• 262 € më pak se në Mal të Zi.
Tabaku thekson se shqiptarët kanë fuqinë blerëse më të ulët në rajon, me mbi 40% të buxhetit familjar që shkon për ushqime, ndërsa çmimet rriten çdo ditë për shkak të monopoleve të mbrojtura nga qeveria.
“Ky sistem i padrejtë po shkatërron shtresën e mesme, po largon mijëra shqiptarë drejt emigracionit dhe po shuan shpresën për një jetë me dinjitet në vend,” – përfundon deputetja.
Postimi i plotë:
Paga minimale në Shqipëri është 200 € më pak se në Serbi dhe 189 € më pak se në Maqedoninë e Veriut. Paga mesatare shqiptare është gjithashtu më e ulët se e fqinjëve.
