TIRANE– Kuvendi ka miratuar në seancën e kësaj të enjte listën për Këshillin e Lartë të Gjyqësorit dhe Këshillin e Lartë të Prokurorisë. Ashtu si edhe në dy raundet e kaluara, edhe në seancën e sotme nuk u arritën 94 votat e nevojshme, pasi për KLP u regjistruan 71 vota pro, 2 kundër dhe 1 abstenim, dhe për KLGJ 72 pro, një kundër, një abstenim.
Duke qenë se këtë të enjte ishte raundi i fundit për përzgjedhjen e anëtarëve jo gjyqtarë dhe jo prokurorë për në KLP dhe KLGJ, listat u kaluan.
“Në rast të mos marrjes së 2/3 të votave kandidatët e paraqitur në Kuvend nga nën komisioni përkatës pranë Komisionit të Ligjeve, konsideroheshin të zgjedhur në bazë të ligjit 147 pikat 8 e Kushtetutës si dhe në bazë të nenit 35 të ligjit për organet e qeverisjes së drejtësisë”.
Opozita kundërshtoi listën e kandidatëve për të dy këshillat, duke sjellë në vëmendje qëndrimet e mbajtura për secilin prej tyre nga Operacioni Ndërkombëtar i Monitorimit.
LISTA FINALE PËR KLGJ E KLP
KËSHILLI I LARTË GJYQËSOR
Avokatët
Fatmira Luli
Alban Toro
Pedagogët
Maksim Qoku
Erion Muharremaj
Shoqëria Civile
Naurela Llagami
KËSHILLI I LARTË I PROKURORISË
Avokatët
Tartar Bazaj
Nurihan Seiti (Metaj)
Pedagogët
Gent Ibrahimi
Sandër Beci
Shoqëria Civile
Alfred Balla
(BalkanWeb)