Sot në Kuvend kalon projektligji për përjashtimin nta TVSH e importit të jahteve teksa opozita vazhdimisht e ka konsideruar si një ligj në favor të oligarkëve.

Iish- deputetja Jorida Tabaku thtoë se ndërkohë që shqiptarët presin ndihmë nga qeveria, Rama vijon lehtësin dhe i shkel syrin klubit të 12 oligarkëve.

Tabaku më tej shton se ky ligj do të miratohet nga një parlament që është kthyer në noter dhe që tashmë s’ka mbetur njeri që beson më tek ai.

STATUSI NGA JORIDA TABAKU

Ndërsa parashikimet për ekonominë e vendit vijnë e bëhen më të errëta, qeveria vazhdon avazin e vjetër duke promovuar ligje në shërbim të një pakice. Ajo ka vendosur të dërgojë në parlament ligjin për përjashtimin nga TVSH të importit të Jahteve dhe sot miratohet. Pikërisht ai projektligj që ministrja Denaj iu lut kryeministrit që të mos e kalonte në këtë kohë pandemie.

Në një kohë kur bizneset ndjejnë shtrëngimin e darës së krizës qeveria vazhdon të mendojë për të njëjtët njerëz. I vendosur në drejtimin dhe frymëzuar nga klubi i ortakëve Oligarkë me të cilët ndan çdo pasuri publike dhe private, Rama do ta kalojë këtë projektligj në atë që quhet parlament por që është një noter.

Për çdo fillim viti nga 2014 e këndej shqiptarët kanë paguar taksat e rritura disa fish. Bizneset kanë paguar tarifa ekstra, punëtorët kanë marrë më pak të ardhura në xhepat e tyre. Në shtatë vjet qeveria i ka harxhuar taksat në sheshe të vdekura dhe në PPP, sot kur shqiptarët presin ndihmën e qeverisë ajo vendos t’i lehtësojë jetën 12 oligarkëve duke varfëruar më tej 3 milionë shqiptarë.

Një qeveri që sillet si gjobvënës karshi qytetarëve ndërsa i shkel syrin klubit të ortakëve që bashkë me Ramën kanë vjedhur lekët e shqiptarëve dhe pasuritë e tyre.

Duke u lënë peshqesh një buxhet të rrënuar, ligje që favorizojnë vetëm oligarkët dhe padyshim një shtet që nuk i shërben shqiptarëve.

Nuk ka mbetur më njeri që beson se ky parlament ka në interes të tij të mirën e shqiptarëve!

(BalkanWeb)