Para nisjes së protestës së PD, e lajmëruar në ora 18:00 para Kryeministrisë, policia ka spostuar Adriatik Lapajn dhe aktivistët e “Shqipëria bëhet” pranë Kuvendit tek këndi pranë Parlamentit për t’i lënë vend simpatizantëve të opozitës.

“Na hoqën çadrat dhe gjeneratorët tani duan të na heqin edhe fizikisht sepse duhet të protestojë dikush tjetër. Ik ti thonë të protestojnë ata. Turp! Kjo është qeveria e Edi Ramës, këta janë bashkë”, u shpreh Lapaj duke refuzuar të largohet.

Protesta e Adriatik Lapajt ka nisur prej disa ditësh dhe sipas agjendës, rreth orës 17:00, aktivistë me bidona me ujë dhe batanije të mbledhura janë mbledhur para Kryeministrisë. Sipas tij këto ishin mjetet që do të përdoreshin nga protestuesit kundrejt Kryeministrisë.
“Këto janë raketat, molotovët dhe tanket që do përdornin kundër këtij sh*ërdhate dhe Kryeministrisë së leshit”, dëgjohet të thotë Lapaj.

“Kam që në moshën 22 vjeçare që protestoj rrugëve të vendit, por agresivitet dhe moskuptim si ky që kam parë tek këto ditë ndërsa ka qenë një protestë paqësore, është përtej çdo gjejë. Mos merr gjenerator ngri së ftohti, mos merr korent, mos ngri çadër.

Ndërkohë sot më thonë ik ti se do vijë dikush tjetër të protestojë. Unë nuk kam as ushtri as paramilitar,, nuk jam asnjeri që i kam qef armët. Dua të jetoj në një vend normal. Nëse mendoni se një vend është normal kështu, nuk e di, por unë sa të kem fuqi do të bëj. Pas kësaj do të kthehem prap aty para Kryeministrisë. Uroj që nesër e në vijim çdo ditë në orën 18:00 të dalin njerëz. Numri po vjen duke u rritur”, u shpreh Lapaj para largimit prej policisë, në një kënd tjetër