Arsenal nuk has probleme në Londër ndaj Burnley, duke marrë një fitore me shumë vlerë në kampionat. Një triumf 3-1 që dërgon ekipin e Artetas në vendin e dytë me 27 pikë, duke përfituar këtu edhe nga ajo disfatë e Tottenham ndaj Wolves.
Trossard, Saliba dhe ukrainasi Zinchenko nderuan Gooners në Emirates Stadium (London), ndërsa goli i Brownhill vlejti vetëm për statistikë. E vetmja notë negative për Arsenalin ishte ai karton i kuq i Vierias, në fundin e sfidës.
Manchester United koleksionon suksesin e dytë radhazi në Premier League. Mjafton një rezultat 1-0 ndaj Luton, në Old Trafford (Manchester). Heroi i ekipit të Ten Hag ishte mbrojtësi Lindelof, me golin e tij çerek ore pas fillimit të pjesës së dytë. Kështu, skuadra nga Manchesteri afrohet me Europën, vendi i gjashtë për ta në tabelë.
Tjetër sfidë e luajtur këtë pasdite ishte ajo mes C.Palace dhe Everton. Një takim që prodhoi spektakël, gola, emocione, por në fund 90 minutëshi u mbyll 2-3 në të mirë të të besuarve të Dycho.
(VIDEO)
