Kryeministri britanik Kier Starmer ka refuzuar thirrjet për të anuluar ftesën e presidentit amerikan Donald Trump për një vizitë shtetërore në Mbretërinë e Bashkuar. Kjo nismë u paraqit nga Partia Kombëtare Skoceze (SNP).

Më herët kreu i Partisë Kombëtare Skoceze, John Swinney deklaroi se ftesa për vizitë shtetërore duhet të anulohet, pasi Trump akuzoi presidentin ukrainas Volodymyr Zelenskyy se nuk ishte mjaft mirënjohës për mbështetjen e SHBA-së kundër pushtimit rus.

Kryeministri britanik theksoi se ishte i fokusuar në gjetjen e një zgjidhjeje mes dy liderëve, në përpjekje për të rifokusuar në fokusin kryesor të kërkimit të paqes.

Sipas Starmer vendet duhet të vazhdojnë të bashkëpunojnë me Uashingtonin dhe se një takim me presidentin amerikan për të zhvilluar një plan të përbashkët tashmë është rënë dakord. Kjo vjen në sfondin e deklaratave të SHBA-së për nevojën për një propozim paqeje nga Ukraina.

(BalkanWeb)