Qeveria britanike u zotua të dyfishojë përpjekjet e saj për të luftuar antisemizmin të premten, ndërsa komuniteti hebraik u trondit nga një sulm në një sinagogë, në Mançester që vrau dy persona në Yom Kippur, dita më e shenjtë në kalendarin hebraik.

Policia gjitha u kërkoi organizatorëve të një proteste të planifikuar pro-palestineze në Londër këtë fundjavë që ta anulojnë ose shtyjnë ngjarjen, duke thënë se kjo do të devijonte burimet e policisë të nevojshme për të mbrojtur komunitetet e frikësuara pas sulmit.

Izraeli akuzoi Britaninë se lejoi përhapjen e antisemitizmit të shfrenuar nëpër qytetet dhe universitetet e saj që nga lufta në Gaza, dhe udhëheqësit hebrenj britanikë thanë se prej kohësh kishin frikë nga një sulm, pasi kritikat ndaj Izraelit ishin shndërruar në urrejtje të hapur ndaj hebrenjve.

Izraeli e përsëriti atë kritikë kur dy burra, Adrian Daulby, 53 vjeç, dhe Melvin Cravitz, 66 vjeç, u vranë të enjten nga një burrë britanik me prejardhje siriane i cili drejtoi një makinë drejt këmbësorëve dhe më pas filloi t’i godiste me thikë jashtë Sinagogës Hebraike të Kongregacionit Hebraik Heaton Park në qytet në Anglinë veriore.
Policia e ka identifikuar sulmuesin si Jihad al-Shamie, 35 vjeç, i cili u qëllua për vdekje në vendngjarje nga oficerë të armatosur.

Antisemitizmi është rritur në nivele rekord në Britani që nga sulmi i tetorit 2023 nga Hamasi ndaj Izraelit dhe lufta pasuese e Izraelit në Gaza, sipas Community Security Trust, i cili ofron siguri për organizatat hebraike në të gjithë Britaninë. Qeveria e kryeministrit Keir Starmer është përplasur gjithashtu me Izraelin për vendiin e tij për të njohur një shtet palestinez.

Ministrja e Brendshme e Britanisë, Shabana Mahmood, tha se e kuptonte forcën e ndjenjave që kanë të gjitha palët në Gaza, por tha se kjo nuk duhet të çojë në dhunë në rrugët britanike.

“Është e rëndësishme që ne të vendosim atë vijë ndarëse midis asaj që po ndodh në Lindjen e Mesme dhe ngjarjeve këtu në vend”, tha ajo.