TIRANË

Pragu i fushatës elektorale ka aktivizuar në publik debatin mbi programet ekonomike që po shpalosin forcat më të mëdha politike. Beteja përqendrohet te mënyra e taksimit të individëve dhe bizneseve. Propozimi i Partisë Demokratike për taksën e sheshtë 9 % nëse vjen në pushtet pas zgjedhjeve të 25 Prillit, sipas ekspertëve te ekonomisë Selami Xhepa dhe Arben Malaj është një lehtësi fiskale pozitive që do të rrisë investimet, të ardhurat në buxhet dhe punësimin.

“Në fakt është provuar që vendosja e taksës së sheshtë në Shqipëri që në vitin e parë solli 22 mld lek më shumë në vitin e dytë 36 mld lek më shumë dhe niveli I të ardhurave dhe me taksën e sheshtë dhe në përgjithësi dhe me një sistem më të ulët taksimi ne arkëtuam gati 27% e GDP me të ardhura.”-tha Xhepa.

“Grupet përfituese në trajtën e taksës së sheshtë dhe për këtë arsye ajo mendohet se ajo mund të ketë një impakt pozitiv në rritjen e interesit për investim dhe në rritjen e punësimit ndërmjet formave të tjera.” -u shpreh Malaj.

Eksperti I ekonomisë Selami Xhepa thotë se taksa e sheshtë e propozuar në masën 9 % do të rigjallërojë ekonominë. Ajo do të përmirësojë jo vetëm administratën tatimore por edhe klimën e biznesit.

“Unë them që nëse kemi një sistem taksimi të sheshtë mendoj se ekonomia dhe shoqëria e shqipërisë do të jetë më e mirë pra do të kemi një administratë më të ndershme dhe një sistem tatimor më të ndershëm në raport me qytetarët.Qoftë dhe një sistem me 15% por i shtrirë në të gjithë kategoritë e të ardhurave është I ndershëm sepse respekton parimet e barazisë të të gjithë subjekteve përball sistemit tatimor.”-theksoi Xhepa.

Por për ish-ministrin e financave Arben Malaj ndonëse taksa e sheshtë ka avantazhet e veta, problematike mbeten ende korrupsioni, kapja e shtetit dhe mungesa e konkurrencës, çështje të cilat janë trajtuar në peogramin e opozitës për biznesin dhe konkurrencën. Malaj sugjeron që opozita të përqëndrohet më tepër tek ajo që ai e quan si problemin kryesor të ekonomisë shqiptare.

“Fokusimi tatimor vetëm tek taksa ndoshta heq vëmëndjen nga ato që janë rrënjët bazike që ka nevojë ekonomia shqiptare për të ndryshuar dhe që kanë të bëjnë me shtetin ligjor dhe këtu nënkuptoj luftën kundër korrupsionit,kapjes së shtetit,babëzinë,mungesën e konkurrencës në cdo shkallë të biznesit.Pra sfida do të jetë më e madhe sesa taksa por cdo partit politike që synon pushtetin konkurron në tërësinë e saj me programe por ka dhe fokus të vecantë politikat.” shtoi Malaj.

Aktualisht pagat deri në 30 mijë lekë janë të përjashtuara nga taksimi. Por Partia Demokratike ne programin e saj parashikon që këtë nivel ta cojë në 36 mijë lekë.