Sulmuesi i Paris Saint-Germain, Kylian Mbappe, ka hequr dorë nga fotosesioni i planifikuar të martën me kombëtaren e tij.

Sipas RMC, mendohet se arsyeja ka të bëjë me refuzimin e pretenduar të Federatës së Futbollit të Francës për të modifikuar marrëveshjen për të drejtat e tij të imazhit.

Vendimi i tij vjen pasi raportet sugjeruan se ai synonte të bojkotonte disa sponsorë të Les Bleus – një çështje që ka filluar në mars.

Eksperti francez i futbollit Robin Bairner shkroi në Tëitter pas publikimit të lajmit të hënën: “Ia vlen të theksohet se paratë që Mbappe fiton nga të drejtat e imazhit në lidhje me ekipin kombëtar shkojnë për bamirësi”.

Besohet se Mbappe dhe shoqëruesit e tij mendojnë se imazhet e disa lojtarëve përdoren më shumë se të tjerët. RMC gjithashtu thekson në raportin e tyre se sesioni fotografik për nesër do të përfshinte disa nga sponsorët kryesorë të ekipit kombëtar – si Uber Eats, KFC dhe Coca-Cola.

Rg

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: