Të paktën shtatë persona u vranë dhe 11 të tjerë u plagosën kur një autobus ndërprovincial u përmbys në provincën bregdetare të Guayas në jugperëndim të Ekuadorit, thanë autoritetet lokale.

Aksidenti ndodhi rreth orës 4:00 të mëngjesit me orën lokale (0900 GMT) në autostradën Guayaquil-Playas pranë distriktit El Consuelo, tha Departamenti i Zjarrfikësve të Guayaquil në X, duke postuar imazhe të autobusit të përmbysur në anë të rrugës.

Në vendngjarje shkuan gjashtë ambulanca dhe dy njësi shpëtimi.

Autoritetet ende nuk kanë raportuar se çfarë mund të ketë shkaktuar aksidentin.

Aksidentet rrugore janë shkaku kryesor i vdekjeve në Ekuador, kryesisht për shkak të shpejtësisë dhe drejtimit të pakujdesshëm, sipas autoriteteve.

 

(A.A/BalkanWeb)