Një tërmet i fortë me magnitudë 5.9 ballë ka goditur Japoninë lindore në orët e para të së dielës, duke shkaktuar lëkundje të forta në Tokio dhe zonat përreth. Të paktën 37 persona kanë mbetur të plagosur.

Tërmeti u regjistrua rreth orës 02:00 me kohën lokale, me epiqendër në jug të prefekturës Ibaraki, në një distancë të shkurtër nga kryeqyteti japonez. Sipas autoriteteve, epiqendra ishte në një thellësi prej rreth 68 kilometrash.

A magnitude 5.9 earthquake strikes eastern Japan, including the Tokyo area, injuring more than 30 people, most of them lightly, with no tsunami threat, officials say. pic.twitter.com/kZc9Pyp2LY

— Al Arabiya English (@AlArabiya_Eng) August 23, 2026

Lëkundjet u ndjenë fuqishëm në Tokio dhe në disa zona përreth, duke aktivizuar edhe sistemet e paralajmërimit sizmik. Pavarësisht intensitetit të tërmetit, nuk u dha asnjë paralajmërim për cunami.

Sipas raportimeve fillestare, përveç të plagosurve, janë konstatuar edhe dëme të kufizuara materiale. Në Saitama është raportuar dëmtim i një ndërtese, ndërsa nuk ka të dhëna për dëme të mëdha apo të përhapura.

Autoritetet japoneze vijojnë monitorimin e situatës, ndërsa banorëve u është bërë thirrje të tregojnë kujdes për pasgoditje të mundshme.