Andrew Mountbatten-Windsor ka nisur një sfidë ligjore ndaj Policisë së Luginës së Thamesit, duke kërkuar që Gjykata e Lartë të shqyrtojë ligjshmërinë e urdhrave të kërkimit që çuan në bastisjen e shtëpive të tij në Sandringham dhe Windsor.

Ish-Duka i Jorkut u arrestua në shkurt, në ditëlindjen e tij të 66-të, dhe u mor në pyetje për rreth 12 orë nën dyshimin për sjellje të keqe në detyrën publike. Ai u lirua më pas nën hetim.

Sipas The Telegraph, ekipi i tij ligjor ka vënë në pikëpyetje mënyrën se si u morën urdhrat për kontrollet policore.

Gjykata e Lartë ka dhënë leje për shqyrtimin gjyqësor dhe një seancë private pritet të zhvillohet këtë javë për publikimin e disa dokumenteve.

Hetimi lidhet me materiale nga dosjet e Jeffrey Epstein, në të cilat pretendohet se tregojnë se Mountbatten-Windsor mund t’i ketë dhënë Epstein informacione të ndjeshme gjatë periudhës kur shërbente si i dërguar tregtar i Mbretërisë së Bashkuar.