Kim Jong-un ka mbikëqyrur testimin e një “droni të ri sulmues nënujor bërthamor”.

Ndërsa citon mediat të Koresë së Veriut, The Times shkruan se droni i ri mund të lëshojë një “cunam radioaktiv” në anijet detare dhe portet bregdetare.

Nuk kishte asnjë konfirmim për testin e armëve, por disa ekspertë shprehën dyshime për besueshmërinë. Megjithatë, nëse pretendimet janë të sakta, kjo do të shtojë statusin e Koresë së Veriut si një fuqi bërthamore dhe do të hedhë dyshime të mëtejshme mbi qëllimin perëndimor për të bindur regjimin për t’u ç’nuklearizuar.

“Misioni i armës strategjike bërthamore nënujore është të depërtojë tinëzisht në ujërat operacionale dhe të bëjë një cunami radioaktiv nëpërmjet shpërthimit nënujor për të shkatërruar grupet sulmuese detare dhe portet kryesore operacionale të armikut”, tha Agjencia Qendrore Koreane e Lajmeve.

Më tej The Times shkruan: “Testi vlerësoi saktë të gjitha specifikimet taktike dhe teknike dhe indekset lundruese dhe teknike të dronit të sulmit bërthamor nënujor, verifikoi besueshmërinë dhe sigurinë e tij dhe konfirmoi plotësisht aftësinë e tij të goditjes vdekjeprurëse,” tha KCNA.

Testi i armës së re është gjesti i fundit i hakmarrjes sfiduese kundër Koresë së Jugut dhe Shteteve të Bashkuara, të cilat po kryejnë stërvitjet e tyre më të mëdha të përbashkëta ushtarake për më shumë se pesë vjet.

Këto përfshijnë provat për ulje, në të cilat marrin pjesë edhe trupat britanike. Por disa analistë vunë në dyshim pretendimet e Koresë së Veriut se kishte arritur në realizimin e një armë kaq të avancuar.

Ankit Panda, nga Carnegie Endoëment for International Peace në Uashington, tha se Koreja e Veriut ka më shumë gjasa të përdorë furnizimin e saj të kufizuar të materialeve të armëve bërthamore, konvencionale sesa në një teknologji të pasigurt.

“Unë prirem ta marr seriozisht Korenë e Veriut,” shkroi ai në Twitter, duke shtuar : “Nuk mund të përjashtoj mundësinë që kjo të jetë një përpjekje për mashtrim”.

Ndërkohë, presidenti Yoon i Koresë së Jugut tha se Pheniani do të paguante për “provokimet e pamatura”, teksa zhvilloi një përkujtimore për trupat e vrarë në përleshjet kufitare me Korenë e Veriut.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb