Nënkryetari i Partisë së Lirisë Petrit Vasili, ka reaguar me kritika ndaj qeverisë Rama, pas vendimit për përjashtimin e deputetëve të PD-së nga seanca plenare.

Vasili ka publikuar një video të kryeministrit Edi Rama teksa mban fjalën e tij në Kuvend, ndërsa thekson se rilindasit nuk mund të flasin për etikë, pasi ka qenë vetë kryeministri sipas tij që ‘nxjerr llum nga goja”.

“Ja ku e kanë ordinerin, që nxjerr llum nga goja dhe nuk dënohet, kur krahason popullin me organet e mashkullit!”, shkruan Vasili.

Bashkangjitur videos së publikuar, Vasili thotë se gjuhën e kryeministrit Rama gratë e rilindjes e adhurojnë, dhe broçkollisin për etikën e opozitës.

“Nuk mund dot ju të bllokoni asgjë. Për më tepër kur fillojnë kërcënimet, shiko këtu se do ngrihen këta, do ngrihen ata. Kjo e ngritjes është Thirri thirri të të ngrihet ai i shkreti kokë-ulur s’të përgjigjet dot”, dëgjohet të thotë Rama në videon e publikuar nga Vasili.

STATUSI:

Edhe kane surrat e flasin per etikë rilindasit ne Kuvend!

Ja ku e kane ordinerin, qe nxjerr llum nga goja dhe nuk denohet, kur krahason popullin me organet e mashkullit!

Dhe keta te paturp denojne e perjashtojne deputetet e opozites.

Ndersa gjuhën e Rames grate rilindase deputete e adhurojne, ndaj broçkollisin per etiken e opozites dhe bejne si te prekura