Njëmbëdhjetë persona u vranë në një shkëmbim zjarri gjatë një gare kuajsh të palicensuar në Chihuahua, Meksikën veriore.

Pesë viktima mbetën të vdekur në vend ndërsa të tjerët ndërruan jetë në spital.

Shkëmbimi i zjarrit në fshatin El Saous, i cili i përket komunës Chihuahua, ka ndodhur për shkak të “përplasjes mes dy bandave”, shpjegoi Hilberto Logia, një zyrtar shtetëror përgjegjës për sigurinë publike.

Chihuahua, një shtet ngjitur me Shtetet e Bashkuara, pjesë e rrugës më të përdorur të trafikut të drogës, është rrënuar nga një valë jashtëzakonisht e fortë dhune për pesëmbëdhjetë vjet. Vetëm në tre muajt e parë të vitit 2022, sipas autoriteteve u vranë 411 persona.

Në shkurt, të paktën nëntë persona u ekzekutuan në Ciudad Juarez, Chihuahua, gjatë funeralit të një  personi që ishte vrarë me armë.