Një avion i Air India që shkonte për në Angli u rrëzua pesë minuta pas ngritjes nga qyteti indian i Ahmedabadit. Në bord ndodheshin 242 persona (përfshirë dy pilotë dhe dhjetë asistentë fluturimi).

Numri i të vdekurve është mbi 300, pasi avioni ra mbi një qendër studentore afër aeroportit ku u ngrit avioni. Sipas komisionerit të policisë së Ahmedabadit, Gyanendra Singh Malik, deri më tani është gjetur vetëm një i mbijetuar. Ai është një britanik 40-vjeçar me origjinë indiane i ulur në sediljen 11A, Vishëash Kumar Ramesh. Burri është në spital dhe po merr trajtim.

Fluturimi AI171 i Air India, një Boeing 787 Dreamliner që shkonte për në Londër Gatëick, u ngrit në orën 13:38 sipas orës lokale dhe u rrëzua në një konvikt studentor në Kolegjin Mjekësor BJ: disa studentë mjekësie dhe të afërmit e tyre rezultojnë të zhdukur dhe dhjetëra të tjerë janë plagosur.

Në bord ishin 169 indianë, 53 britanikë, 7 portugezë dhe një kanadez. AI 171, një Boeing 787-8 Dreamliner, mbante 230 pasagjerë dhe 12 anëtarë të ekuipazhit, tha Air India. “Avioni komandohej nga Kapiteni Sumeet Sabharëal dhe Oficeri i Parë Clive Kundar. Kapiteni është një toger me 8,200 orë përvojë”, tha DGCA.

Pilotët e aeroplanit dërguan një sinjal rreziku në shërbimin e shpëtimit menjëherë pas ngritjes. Aeroplani humbi kontaktin me kullën e kontrollit sekonda pas ngritjes. Sipas të dhënave të Radarit të Fluturimit të raportuara nga mediat indiane dhe BBC, aeroplani ishte kishte një lartës rreth 200 metrash në atë kohë. Pamjet e transmetuara nga stacionet televizive lokale treguan tym që ngrihej nga vendi i rrëzimit, pranë aeroportit të Ahmedabadit.

(BalkanWeb)

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb