Presidenti i SHBA-së, Donald Trump, bëri thirrje të enjten për një armëpushim 30-ditor “pa kushte” midis Rusisë dhe Ukrainës , duke thënë se ai duhet “përfundimisht të çojë drejt një marrëveshjeje paqeje”.

“Bisedimet me Rusinë dhe Ukrainën vazhdojnë. SHBA-të bëjnë thirrje, idealisht, për një armëpushim 30-ditor pa kushte.

“Shpresojmë që do të respektohet një armëpushim i pranueshëm dhe të dy vendet do të mbahen përgjegjëse për respektimin e shenjtërisë së këtyre negociatave të drejtpërdrejta”, tha ai në platformën e tij Truth Social.

Trump paralajmëroi se nëse armëpushimi nuk respektohet, SHBA-të dhe partnerët e tyre do të vendosin sanksione të mëtejshme.

Ai tha se do të mbetet i përkushtuar për të siguruar paqen midis Rusisë dhe Ukrainës së bashku me evropianët.

“Dhe një Paqe e Qëndrueshme do të jetë! Ky armëpushim duhet përfundimisht të çojë në një Marrëveshje Paqeje. E gjitha mund të bëhet shumë shpejt dhe unë do të jem i disponueshëm në çdo moment nëse nevojiten shërbimet e mia”, shtoi ai.

 

(A.A/BalkanWeb)