Donald Trump sugjeroi gjatë një takimi për mbledhjen e fondeve se ai do të kishte bombarduar Moskën në përgjigje të pushtimit rus të Ukrainës dhe do të kishte sulmuar Pekinin nëse Kina do të pushtonte Tajvanin nëse do tw ishte President i SHBA.
Komentet befasuan disa nga donatorët në këtë ngjarje.
James Gilmore, i cili shërbeu si ambasador i zotit Trump në Organizatën për Siguri dhe Bashkëpunim në Evropë, u tha gazetarëve në Tajvan në fillim të këtij muaji se zoti Trump nuk është një izolacionist, por se ai thjesht po përpiqet të bëjë aleatët që të vënë më shumë theks në mbrojtjen e tyre.
“Unë besoj se Presidenti Trump do të jetë mbështetës i Tajvanit kur të bëhet president. Ai ishte në mandatin e tij të parë”, tha ai, sipas Reuters.
Kina pretendon se Tajvani është territori i saj mbi kundërshtimet e qeverisë tajvaneze. Shtëpia e Bardhë e Trump mbështeti Tajvanin, duke përfshirë shitjet e armëve që kanë vazhduar nën administratën e Biden.
Trump e ka përmendur rrallë Ukrainën në muajt e fundit. Vitin e kaluar, ai pretendoi se do ta “zgjidhte” luftën në më pak se një ditë.
Në shkurt, ai shkroi në Truth Social: “Ne kurrë nuk duhet të japim më para pa shpresën e një shpagimi”.
Në prill, ai tha: “Siç janë dakord të gjithë, mbijetesa dhe forca e Ukrainës duhet të jenë shumë më të rëndësishme për Evropën sesa për ne, por është gjithashtu e rëndësishme për ne! LËVIZ EVROPË!”
Duke u paraqitur në Fox News, ai u pyet nëse po planifikon të rrisë presionin në luftën tregtare me Kinën që filloi në mandatin e tij të parë.
Ndërsa u shpreh se nuk po kërkonte të rifillonte luftën tregtare, ai tha gjithashtu se do të konsideronte vendosjen e tarifave prej më shumë se 60 për qind.
“Shiko, unë dua që Kina të bëjë mirë, po. Dhe mua më pëlqen shumë presidenti Xi, ai ishte një mik shumë i mirë i imi gjatë mandatit tim”, tha ai për Fox.
Në fillim të këtij viti, Trump u shpreh se u tha liderëve evropianë se do t’i thoshte Rusisë të bëjë “çfarë të dojë” për vendet që nuk shpenzojnë mjaftueshëm për mbrojtjen e tyre.
Gjatë një mitingu në Bronx javën e kaluar, Trump iu referua disa liderëve autoritarë, përfshirë presidentin rus Vladimir Putin, duke thënë se ata ishin “në krye të lojës së tyre, pavarësisht nëse ju pëlqen apo jo”. “Bota do të na respektojë përsëri” nëse ai rizgjidhet.
