Presidenti i SHBA-së, Donald Trump , planifikon të zhvillojë një bisedë telefonike me kryeministrin izraelit, Benjamin Netanyahu , të martën , tha një zyrtar i Shtëpisë së Bardhë.
Thirrja vjen ndërsa Trump kërkon të përshpejtojë ndihmën për Gazën dhe përpiqet të bindë Iranin të braktisë programin e tij bërthamor.
Trump ka shprehur vazhdimisht zhgënjimin e tij me Netanyahun. Javën e kaluar, ai tha se e paralajmëroi Netanyahun të mos ndërmarrë asnjë veprim që mund të prishë bisedimet me Iranin mbi programin bërthamor të Teheranit.
“I thashë se nuk duhet ta bënte tani sepse jemi shumë afër një marrëveshjeje. Kjo mund të ndryshojë në çdo kohë”, u tha Trump gazetarëve në Zyrën Ovale.
Irani së shpejti do t’i paraqesë Shteteve të Bashkuara një kundërpropozim nëpërmjet Omanit për një marrëveshje mbi programin e tij bërthamor, tha të hënën zëdhënësi i Ministrisë së Jashtme iraniane, Esmail Baqaei./Reuters
(BalkanWeb)
