Bashkimi Evropian po shqyrton dy lloje misionesh detare për të ndihmuar në rihapjen e Ngushticës së Hormuzit, pasi Presidenti i SHBA-së Donald Trump kërkoi bashkëpunim ndërkombëtar në përpjekjet për të rifilluar eksportet e naftës dhe për t’i dhënë fund rritjes së çmimeve të naftës bruto.

“Është në interesin tonë ta mbajmë të hapur Ngushticën e Hormuzit dhe për këtë arsye po diskutojmë edhe se çfarë mund të bëjmë në këtë drejtim nga ana evropiane”, tha Kaja Kallas, shefja e politikës së jashtme të BE-së.

Ajo e bëri njoftimin përpara një takimi të ministrave të jashtëm të bllokut në Bruksel të hënën.

Rritja e çmimeve të energjisë dhe plehrave e ka sjellë luftën në Iran në krye të axhendës së tyre, tha ajo.

Kallas tha se BE-ja mund të zgjerojë misionin e saj detar Aspides për të mbrojtur anijet në Detin e Kuq deri në Gjirin Persik ose të formojë një “koalicion të të gatshëmve” me vendet anëtare që kontribuojnë me kapacitet ushtarak në baza ad hoc.